Gimmestiek

t Is mooi weer, wie goan nou springen,
wie goan dansen, wie goan zingen.
En wie doun, hail vlöt en kwiek
ook nog n beetje gimmestiek

refraain:
Hup, doar goan wie, stap, stap, stap (flink stappen mit knijen omhoog)
en vervolgens klap, klap, klap. (in handen klappen)
Drijmoal nou in t ronde draaien
en mit baaide aarms zwaaien. (aarms de lucht in en zwaaien)
Dat ging mooi en tot besloet
aalmoal drij stappen achteroet.

t Is mooi weer, de vogels zingen.
Dij kinnen vlaigen, wie kinnen springen.
En wie doun, hail mooi geliek,
ook nog n beetje gimmestiek.

Refraain

Auteur: Gerhard Tuinema

Petra Ferwerda, zang en Alex Staal, piano