Sprookjesbouk

Pagina afdrukken twitter Hyves

Mien opa wait nog nait zo veul,
dij mout k van ales leren.
Bie mie in t bouk zugt e gain verschil
tussen olifanten en beren.

Wie lezen t bouk wel honderd keer,
din leert e alles goud.
Van de prinses en van de wolf,
uut mien grode sprookjesbouk.

Ik vertel hom van de toverstaf,
van de rovers en de schat.
Van alles wait mien opa veul,
niks van sprookjes of zukswat

Auteur: Wil Voordenhout