Lapke

Hans het n labbe veur ain oge. t Is aal n beetje dom. Lappie zit veur dij oge doar e t beste mit zain kin. Deur dij labbe mout t aander oge goud zien best doun ales te zain. Hans is wies mit zien lapke. Aal mörgens krigt e n schone veur. En t mooiste is dat der elke dag weer n aander ploatje op staait. Vandoage is dat n eulifant. Dij is slim staark. In de buutse het Hans nog n lapke. Dij is veur juf. Ze zel der vervast wel bliede mit wezen. Mit n lapke veur t oog zai je meer as n aander. Dat het Hans van opa leerd.
Opa zee: “Minsen zain bie die ain oge, mor doe zugst bie n aander twije. Doarom zugst doe meer.”
Dij mörgen lopen der twije mit n lapke veur d’oge.

Auteur: Fré Schreiber

Inspreker: Riemke Bakker