Slikken

Jop is in koamer.
Moe is in keuken.
Jop is allain in koamer.
Hai zit onder toavel.
Moeke kin hom nait zain.
Jop zit onder toavel.
De toavel is zien hut.
Hai dut zien ogen dicht.
Alles is swaart en duuster.
Jop kin echt niks zain.
In de hut staait ook n deus.
De deus zit vol mit klontjes.
Mooie widde klontjes.
Suker… hmmmmmmmmm.
Jop stopt n klontje in zien mond.
Hmmmmmm. Da’s lekker zuit.
Nog ain… nog ain… nog ain.

Moe schenkt drinken in.
Veur Jop n glas mit ranja.
Veur heurzulf n kop kovvie.
Hee, denkt moe,
woar is de suker?
Woar is Jop?
Jop zit nog aal onder toavel.
Jop slikt en slikt en slikt.
Suker… hmmmmmm lekker.
Moe kikt onder toavel.
Foei toch jong!!!!!
Hier mit suker.
Jop schrikt en snapt t nait.
Hai haar zien ogen dicht!!
Alles is swaart en duuster.
Toch kon moeke hom zain.
Roa, roa hou kin dat nou?

Auteur: Jan Huttinga