n Aarge dreum

Lieske komt soavends om kwart over tiene uut heur sloapkoamertje.
Op blode voutjes en in heur pyjama komt ze de woonkoamer in.
Dikke troanen het ze op heur snoetje.
“Wat scheelt r aan, mien wichtje?” vragt moeke. “Hest dreumd?”
“Joa,” snokt Lieske, “hier op toavel stoan alemoal lekkere toartjes en gebakjes.”
“Nou,” zee moeke, “was dat nou zo aarg?”
“Joa hur,” mainde Lieske, “want dreum was uut en ik haar der nog niks van opeten…”

Auteur: Job Olhoes

Inspreker: Dolf Houwing