Baange

Doe dinkst toch nait dat k baange bin
veur n hond of veur n kat?
Ik heb ja tiegers in mien bouk.
Zo’n hond, dat zol mie wat!

Doe dinkst toch nait dak baange bin
veur duuster of de moan?
Ik sloap hail stief mit d’ogen dicht,
din is de nacht zo doan.

Doe dochst toch nait dak baange was
veur n kou of veur n peerd?
Dat zol mie wat, as t wezen mout
trek ik hom zo aan steert.   

Auteur: Wil Voordenhout