Elke dag opnij

Op de zuzooi lekker zwaaien
mit mien hoaren ien de wiend
Ik huf naargens aan te denken
want ik bin nog mor n kiend
Of achterop de fiets
mit mien mamme hail dichtbie

Elke dag opnij
bin ik blied want bin ik vrij

Op mien rug lig ik te kieken
noar de wolken ien de lucht
Ik kin doun wat ik mor wil
veur gainain bin ‘k op de vlucht
Of speulen mit n vriendje
Bie die of toch bie mie?

Elke dag opnij
bin ik blied want bin ik vrij

Ien de zandbak mit mien schopke
schier even klaaien ien t zand
En ik moak n vreugdedanske
want der is niks aan de hand
n Dikke smok veur t sloapen
of n doetje as ik schraai

Elke dag opnij
bin ik blied want bin ik vrij

Uit: Wiesneus 2020

Tekst: Leonie van der Werf

Muziek: Jan Kruimink

Omzetten: Riemke Bakker