Eerste laifde
Pagina afdrukken
Hail nuchtern
lopen z’in duustern op stroat
wat juchtern, wat laggen, gesmoes en geproat
en t wichtje lustert
en t jonkje flustert
heur zaacht
laive woordjes in t oor
met glenrooie wangen
en t haart vol verlangen
en ogen as kralen
zo helder en kloar
lustert t oardege wichtje
met t bliede gezichtje……
zai baaident
zai heuren toch
zo stoef bie mekoar
en zo klinkt toch aaltied
dat hail olde laid
van de laifde
zai baaident
en aans is der nait……
Nies Sap-Akkerman
Dit item heeft 2 Likes
