Sjompie

k Heb nije rooie stevels aan
O man, wat mooi is dat!
Wat kin k nou fijn noar boeten goan
en blieven in de regen stoan
den wor ik lekker nog nait nat.
O man, wat fijn is dat!

Ik stap mor deur de plazzen hin,
o man, wat fijn is dat!
Ik stamp nou hail stief op de grond
en sputters vlaigen wied in t rond
mor ik wor lekker toch nait nat.
O man, wat fijn is dat!

Doar tikt mien Moeke tegen t glas,
o man, wat maal is dat!
t Ging mie nou net zo mooi noar t zin
nou mou’k vanzulf mien koamer in
en k bin ja haildal nog nait nat.
O man, wat maal is dat!

Ze trekt mie gaauw mien stevels uut,
o man, wat maal is dat!
Veurbie is nou dat mooie feest
ze zegt: wat bist doe toch n beest
dien broek en zokken sjompienat!
En ik krieg wat veur t gat!

Zang: Kinderkoor O.B.S. Het Ruimteschip Hoogezand o.l.v. Wim van der Laar