Peerdje het verdrait

peerd op staal
dij het verdrait
schudt mit kop
zo kin k hom nait!

kom mien peerd
kom rie mit mie
hail wied vot
de zun veurbie

hoal mie stoet
uut finnerwol
doar is stoet
doar ik van hol!

peerd dij runt
zo haard e kin
hoalt mie stoet
dij k lekker vin

peerd op staal
dij vret zok zat
zwaait mit steert
zo blied as wat!

Auteur: Gré van der Veen
Uit: De Siberische Kou (1990)