Toverbalen

Toverbalen, toverbalen,
k heb n haile pude vol!
Toverbalen, toverbalen,
jonges is mie dat n lol!
En mor zoegen en mor kieken,
ieder bod n aander kleur.
En mor zoegen en mor kieken,
t laifst de haile dag mor deur.

Toverbalen, toverbalen,
geel, rood, wit, gruin, blaauw.
Toverbalen, toverbalen,
zunde dat ik ter op kaauw.
En mor zoegen en mor kieken,
aalvot even uut mien mond.
En mor zoegen en mor kieken.
Moeke zegt: ” t Is ongezond!”

Toverbalen, toverbalen,
man, wat gek bin ik doar op!
Toverbalen, toverbalen,
pude leeg, da’s n strop.
Nait meer zoegen, nait meer kieken,
aal dij kleuren, t is nou doan.
Nait meer zoegen, nait meer kieken,
k kin nou rusteg sloapen goan.

Auteur: Nies Sap-Akkerman