Drok

k Heb t zo drok, drok, drok
Zo drok as n potje mit peren
k Heb t zo drok, drok, drok
Der is gain tied om nog te leren
 
Guster voetbaltrainen en nou noar reddingswemmen
Mörn noar meziekschoul, ik kin der nait aan wennen
Zotterdag weer voetbalen, mien zus mout peerdjerieden
Zundag nog wat hoeswaark, week is weer veurbie
 
Kwart noa drij oet schoul, der is zoveul te doun
Ik wait t nait meer, wat mout ik nou
Woar mout ik hin vandoag, aaltied weer de vroag
k Wil zo geern ain dag haildaal niks doun

k Heb t zo drok, drok, drok
Zo drok as n potje mit peren
k Heb t zo drok, drok, drok
Der is gain tied om nog te leren

Noa schoul bin ik drok, mit kinderzegels lopen
Aanderdoags veur de club, krentestoet verkopen
Der is zoveul te doun, en k heb t ja nait aan tied
Vlug wat in de ropperd en week is weer veurbie

Kwart noa drij oet schoul, der is zoveul te doun
Ik wait t nait meer, wat mout ik nou
Woar mout ik hin vandoag, aaltied weer de vroag
k Wil zo geern ain dag haildaal niks doun

k Heb t zo drok, drok, drok
Zo drok as n potje mit peren
k Heb t zo drok, drok, drok
Der is gain tied om nog te leren
 

Tekst en muziek: Olaf Vos en Tom Ritsema

www.cdpost.nl
www.bondtegenharries.nl
www.olafvos.nl