Klaain Kloaske

Klaain Kloaske lopt deur t bos, ze wait nait wat te doun,
zai mout op zuik noar de vos, dij wait wat te doun
Kloaske is sikkom de klös, kikt goud om heur tou
De beer is lös, wel wait wat te doun?

Hail haard runnen
Steveg fietsen
Sums ook scheuveln
Hail haard runnen

En din zigt ze de vos, zai gaait ter doalek hin
Soamen lopen ze deur t bos, vozzen zit meer in
En din zain ze de beer, hai kikt ja vrezelk kwoad
Vertel Kloaske t nou mor weer, aans is t te loat

Hail haard runnen
Steveg fietsen
Sums ook scheuveln
Hail haard runnen

Kloaske is nog aal ien t bos, mor ze wait nou wat te doun,
zai haar t ook heurd van de vos, dij wos wat te doun
Kloaske was sikkom de klös, mor ze keek goud om heur tou
De beer is lös, mor wie waiten nou wat te doun

Hail haard runnen
Steveg fietsen
Sums ook scheuveln
Hail haard runnen

Muziek: Kees van der Meer
Tekst: Olaf Vos en Tom Ritsema

www.cdpost.nl
www.bondtegenharries.nl
www.olafvos.nl