Eerdmaanjes

Eerdmaanje, eerdmaanje
Woont bie ons in toen.
Hai het n mooi rood mutske op
En n jaske van ketoen.

En soavends in de moaneschien,
Din daanst e mit het knien. Tra,la...

En het e ook n vraauwke?
Joa zeker het e dat.
En as de zunne onder gaait,
Din bakt ze hom petat.
Petat, petat, n dikke puut petat.

En soavends in de moaneschien,
Din daansen ze mit t knien.
En snachts om twaalf uur,
Din daansen ze om het vuur. Tra, la...

En hebben ze ook nog kinderkes?
Joa, t haile hoes is vol.
Dij daansen en dij zingen,
Dij leven veur de lol.
De lol, de lol, dij leven veur de lol.

En soavends in de moaneschien,
Din daansen ze mit t knien.
En snachts om twaalf uur,
Ze daansen om het vuur.
Ze daansen tot de mörgen,
Tot ootje komt mit törven. Tra, la...

Auteur: An Kuiper

Zang en muziek: De Tuutjefloiters