Moeke knien

Moeke knien mit t grieze hoar
moakt vandoage t nussie kloar.
Hier n plok hoar en doar wat stro.
Moeke knien wait van gain ho.
Moek knien dragt in heur liefie
jonge knientjes, n stok of vief.
Waigje kloar, ze krigt wat rust.
Moeke knien wacht bie heur nust.
Net as zunne onder staait,
vuilt moeke knien wat komen gaait.
Jonkies rose en haildaal koal,
dat is bie n knien normoal.
”Zugst mien knientjes, aal van mie!
Kom gerust wat dichterbie!
Aalmoal zain, din vlog aan kaant.
Knientjes goan noar t sloaperslaand!”

Auteur: Gré van der Veen
Uit: De Siberische Kou (1990)