Kloaske

Pagina afdrukken twitter Hyves

Der was n hoaske, dat haitte Kloaske.
Van veuren n snoetje en n steertje aan t ìnd,
de twij laange oren stonnen stief overìnd.
t Laifst at dij Kloaske veul worrels en kool,
want as e din groot is, din mag e noar school.
Mit poten kleppern leren ze doar
en hoazevet smeren in t hoazehoar.
Mit steertje wiebeln op moat van meziek.
Mor… t lollegste liekt hom de hoazengimmestiek.

Auteur: Wil Voordenhout