Aailand

Pagina afdrukken twitter Hyves

worden wil ik loater
niks haildal niks
ik goa wonen op n aailaand
hail allain veur mie

en ik kiek din noar
de knienen broen mit wit
en n lutje zeehond
help ik van zien zaikte of

en ik kook mien aigen eten
worreltjes en appelmoes
op de toavel staait
mien walkman veur meziek

en mien vrundje gaait meschain
hail meschain wel mit mie mit
hai mout nog n nachie sloapen
veur e t haildal zeker wait

want mien vrundje
dij het nog n vrundje
dij e n beetje laiver vindt
mörgen zegt e t mie

Auteur: Gré van der Veen
Uit: De Siberische Kou (1990)