Echt woar?

Pagina afdrukken twitter Hyves

Dou was ik n ridder, mien peerd was ons kat,
En achter in toen, doar von ik n schat!
Dou kwam der n droak; hai spijde vuur in t rond!
Ik sloug mit mien sweerd… hai lag dood op de grond!

Refraain:
Echt woar? Echt woar!
Joa zeker, t is woar!
t Is echt gebeurd, want ik speulde doar.
Aans vroag t mor aan Jan of aan Marie,
Zai waren der baaide bie.

Dou was ik n doame, mit n houd op mien kop.
k Haar schounen mit hakken en lippenstift op.
En doe wast n pa en pop was ons kind;
Wie luipen hail defteg mit neus in de wind.

Refraain

As ik loater groot bin, din wor ik piloot,
Of plietsieagent of kaptaain op n boot.
Ik goa in n vlaigtuug en wor stewardess,
Of ik kom op top-pop en wor zangeres.

Auteur:  An Kuiper

Zang en muziek: De Tuutjefloiters

Extra Lesmateriaal

Lessuggesties Echt woar 5-6.doc
Echt woar-liedje.mp3