Beertje Bram

Pagina afdrukken twitter Hyves

Refraain: 
Mien mammie het mien pappie en mien pappie het mien mam,
Mor ik mout met problemen aaltied noar mien beertje Bram.
Bram mist zien oor en zien pootjes hangen slap,
Toch luustert hai geduldeg noar de allermooiste grap.
Mien mammie het mien pappie en mien pappie het mien mam,
Mor as ik wat vertellen wil din dou ik dat aan Bram.
Mien pappie mout haard waarken, dat duurt de haile dag,
Mien mammie zegt din aaldeur, da’k hom nait aan kop zeuren mag.

Mien pappie het gain tied veur mie,
Dij het t veul te drok.
Is hai ais n moal in huus,
Heb ik gain gelok.
Din zit mien pappie in zien stoule,
Nijsblad in zien haand.
Ik zai din bloots zien vouten, zien vingers langs de raand.

Refraain

Mien mammie zit op tennis,
Dij is ook voak nait thuus.
As ik din uut schoule kom,
Bin ik allain in huus.
Lest nam mien pappie nog n walkman veur mie mit,
Dat was n haile dure, woar ook radio in zit.

Refraain:
Mien mammie het mien pappie en mien pappie het mien mam,
Mor ik mout mit problemen aaltied noar mien beertje Bram.
Mien mammie en mien pappie hebben veur mie mor zelden tied,
En wil ik wat vertellen, kin ik dat aan Bram wel kwiet.

Auteur, zang en muziek: Eltje Doddema

 

Beertje Bram.jpg

Extra Lesmateriaal

Lessuggesties Beertje Bram 3-4.doc
Beertje Bram-liedje.mp3