Op vekaanzie

Pagina afdrukken twitter Hyves

Zellen we goan noar Engeland?
Dat is hier ver vandoan
Doar proaten ze altied Engels
Dat kin ik wel verstoan
Hier zeggen ze joa en nee, en doar is t yes en no
Bie ons zeggen ze moi, en doar zeggen ze hello

Pak dien kovver mor in, pak dien kovver mor in
Wat bouken en wat speulgoud en din en din
En din goan we vot mit de boot
Mit de auto of traain
Noar binnen- of noar boetenlaand
Of blifst doe thoes meschain?

Zellen we goan kamperen?
Op n camping mit n strand?
En din kastelen baauwen
Van woater en van zaand
Wie sloapen in n tent, en speulen de haile dag
En kommen loat op ber, midden in de nacht

Pak dien kovver mor in, pak dien kovver mor in
Wat bouken en wat speulgoud en din en din
En din goan we vot mit de boot
Mit de auto of traain
Noar binnen- of noar boetenlaand
Of blifst doe thoes meschain?

Zellen we goan noar Spanje,
Noar t laand van Sunterkloas?
Meschain is e wel thoes
Dij goie olde boas
Din goan we op veziede en drinken n kopke thee
En goan mit Zwaarde Piet blootpootjen in de zee

Pak dien kovver mor in, pak dien kovver mor in
Wat bouken en wat speulgoud en din en din
En din goan we vot mit de boot
Mit de auto of traain
Noar binnen- of noar boetenlaand
of blifst doe thoes meschain?


Auteur: An Kuiper

Zang en muziek: De Tuutjefloiters

Extra Lesmateriaal

Lessuggesties Op vekaanzie 5-6.doc
Op vekaanzie-liedje.mp3