Elk zien aigen stee

Pagina afdrukken twitter Hyves

Minsen wonen in hoezen,
Hounder leven in t hok,
Ik sloap in n ber,
En n hen slept op n stok.

n Hoes of n hok,
n Tak of n nust,
Elk zien aigen stee.
Sloap mor gerust.

n Slak dij dragt zien hoeske,
Boven op zien rug.
Dat is best wel swoar;
Doarom gaait e nait zo vlug.

Vissen leven in t woater,
Doar vuilen ze zok thoes.
Vogels zuiken takjes,
Dat wordt den heur hoes.

Oapen wonen op takken,
Zo mor in n boom.
Kikkers wonen in sloot,
Dat vinden ze hail gewoon.

Auteur: An Kuiper

Zang en muziek: De Tuutjefloiters

Extra Lesmateriaal

Lessuggesties Elk zien aigen stee 5-6.doc
Elk zien aigen stee-liedje.mp3