Wup mit steert

Pagina afdrukken twitter Hyves

Knientje, knientje wup mit steert,
dut van ales nog verkeerd.
Ain, twij, drij van hup sa kee.
Maint e joa, din zegt e nee.

En ons knientje wup mit steert
pakt zien scheuvels al in meert.
Ain, twij, drij van hup sa kee.
Kraabt zok op t verkeerde stee.

Ropt ons knientje wup mit steert:
“Woar is meester, dij mie leert?
Drij, twij, ain van kee sa hup.
Ik kom der aan mit n beste wup.”

Knientje, knientje wup mit steert
gaait op school en leert en leert!
Ain, twij, drij van hup sa som.
Knientje dut nait langer dom!

Auteur: Gré van der Veen
Uit: De Siberische Kou (1990)

 

Wup mit steert.jpg